Urime për zgjedhjen tuaj!
Frigoriferi arkë që keni blerë është një nga gama e produkteve
të BEKO dhe përfaqëson një bashkim harmonik midis teknikës
së ftohjes dhe pamjes estetike. Ka një disenjo të ri tërheqës dhe
është e konstruktuar sipas normave europiane dhe
ndërkombëtare, të cilat garantojnë funksionimin e saj dhe vetitë
e sigurisë. Njëkohësisht, mjeti ftohës që përdoret, R600a, është
ekologjik dhe nuk dëmton shtresën e ozonit.
Për ta përdorur ngrirësin tuaj më së miri, ju rekomandojmë të
lexoni me kujdes informacionet në këto udhëzime përdorimi.
Pjesët origjinale të ndërrimit do të ofrohen për 10 vite, pas datës
së blerjes së produktit.
Këshilla për riciklimin e pajisjes suaj të vjetër
Në qoftë se pajisja juaj e sapoblerë zëvendëson një pajisje më
të vjetër, duhet të kini parasysh disa aspekte.
Pajisjet e vjetra nuk janë hekurishte pa vlerë. Kthimi i tyre për
riciklim jo vetëm e ruan mjedisin, por edhe mundëson nxjerrjen
e lëndëve të para të rëndësishme.
Bëjeni pajisjen tuaj të vjetër të papërdorshme:
- shkëputeni pajisjen nga burimi i energjisë;
- hiqni kabllon elektrike (priteni);
- hiqni bravat eventuale nga dera për të mënjanuar mundësinë
e bllokimit të fëmijëve që luajnë brenda, dhe të rrezikimit të
jetës së tyre.
Frigoriferët përmbajnë materiale izoluese dhe mjete ftohëse, të
cilave u duhet një riciklim i mirëfilltë.
Kjo pajisje nuk parashikohet për përdorim nga persona me aftësi të kufizuara fizike, shqisore
ose mendore ose mungesë përvoje dhe njohurie, përderisa nuk mbikëqyren ose udhëzohen
për përdorimin e pajisjes nga një person përgjegjës për sigurinë e tyre.
Fëmijët duhet të mbikëqyren për të siguruar që të mos luajnë me pajisjen.
